لا تحسبين العرس توفي وكتكـــات ..ولا تحسبينه تويكـــس والا بونتـــــي
ولا تحسبيــن العـــرس كيكــة وطرطــات..وصلـة قطعتيهـــا ووصلــة بلعتــي
ولا تحسبيــن العــرس تصفيــق وأصوات ..وانت على صوت الغطاريف همتي
ولا تحسبين العرس كوشة ولمبات ..وانت كما الطاووس فيها جلستي
ولا تحسبين العرس أحلام في الشات ..ياما بنيتيها وياما هدمتي
ولا تحسبين العرس روحة وجيات .. هيا اقضبي بيتك عسى ما انهبلتي
ليلة سعيدة وأنت أحلى الجميلات ..تشخص عيون الناس اذا حضرتي
(واللاينر) حطيه بلا زيادات .. لايخرب المكياج اذا دمعتي
(والمسكرة) تحتاج لطف ومدارات ..حتى يبان الزين اذا رمشتي
(والاسبريه) رشيه حتى البصيلات ..يمسك شعرك زين لو كانزدتي
وترى (المحدد) فن يحتاج رسمات يبان رسمه زين اذا ابتسمتي
العرس يا بنية ماهو شعارات ..تفنى مراسيمه وتبقين انتى
ويبقى شريك العمر راعي الطويلات .. هذا هو العرس حقيقة عرفتي ؟
اول نصيحة لك حفظ الصلوات صلي العشا والفجر في كل وقت ..وفي ليلة العرس الموفق بالذات ادعي الكريم اذا سمحتي
والتعري لا تر ضين عند الكوفيرات ..ولبسك يملى العين اذا لبستي
واللى على زوجك تحرضك مرات..ارجوك شوتيها شوتت بلنتي
والصبر في العشرة حتى على الفتات..ياماحلا فعلتك يومك صبرتي
واذا حفظت السر مع المدارات ..زوجك ترى في عيونه كبرتي
والسوق يعني هاه وقت الضرورات ..والاترى زوجك يدور لمفتي
زيدي الغطاية وكثري في العبايات ..والله يرضى عنك اذا سترتي
أوصيك بالكبسة وكثر اليدامات ..حتى لوانك من سببها متنتي
وخلي الرجيم اللي فشلتي فيه مرات..سويه مره واحدة لا ولدتي