منتديات نصير المرأة
اهلين وسهلين ومرحبتين وبوستين علي الخدين ياهلا وغلا والله Smile

نادي الكويت والمشاكل التي حدثت في النادي خلال المواسم الاخيره....

اذهب الى الأسفل

عادي نادي الكويت والمشاكل التي حدثت في النادي خلال المواسم الاخيره....

مُساهمة من طرف ViVA kuwait في الأربعاء مايو 19, 2010 3:46 am

بسم الله الرحمن الرحيم
في البداية مساكم الله بالخير جميعا
حبيت ارد على بعض المواضيع بخصوص ابعاد بعض المحترفين من الفريق وانا اتفق معاكم لكن :
نجد البعض يطالب بابعاد روجيريو ,هذا اللاعب الصغير بالعمر والعائد من اصابه كلفته الابتعاد عن الفريق موسم كامل وهذا اللاعب المراوغ الجيد وساهم في بعض المباراة بفوز العميد نطالب الان بابعاده من الفريق , لماذا لم نحمل المدرب الخطأ عندما وضع هذا اللاعب على دكة الاحتياط ولن يقوم بانزاله الا باخر الوقت ماذا يفعل بوقت قصير جدا .
وايضا هناك من يطالب بابعاد كاريكا انا اتفق معاكم ان كاريكا كثير الحصول على الانذارات والفاولات لكن ما هو السبب الذي جعل كاريكا كثير الفاولات والانذارات الا وهو المدرب الذي يضعه وحيدا بالهجوم مذا يفعل من المؤكد بيرجع ويشارك اخوانه اللاعبين ويترك الهجوم او انه يضطر لمشاركة دفاع الخصم لقطع الكرة مما سبب له الحصول على الانذارات والفاولات .
والله ثم والله كل قدساوي اعرفه يتمنى وجود كاريكا عندهم وقالولي ان كاريكا لما كان يستلم الكره كنا خايفين لانه لاعب يجيد المراوغه والتسديد واحنا نطالب بابعاده اللاعب لم يوظف صح ولايوجد من يسانده.
اما بخصوص المرزوقي قد اكون اتفق مع البعض وايضا يمكن ما اتفق لان المرزوقي حيرنا مره نجده بقمة عطاءه ومره ولاكانه بالملعب و لكن بمباراة الامس وبكل امانه شال كره صعبه وتعرض للاصابه وكان من الممكن ان تنهي هذي الهجمه اللقاء بالوقت الاصلي.
انا لا اريد ان نقسوا على اللاعبين والحمد لله اكثر الاعضاء جزاهم الله خير كانوا يشكرون باللاعبين .
يا جماعة الخير خلونا شوي نرجع للخلف ونشوف وين كان العميد ووين اصبح .
انا راح اتكلم بكل صراحه واتمنى ان صراحتي ماتزعل احد لان هذا هو الواقع اللي عايشينه.
اولا: قولولي كم مدرب درب العميد خلال الموسمين .
كم تشكليه لعب فيها الفريق هذا الموسم.
ماذا فعلت الادارة لتغير من وضع الفريق .
وايضا خلونا نرجع شوي من كاس الاتحاد الاسيوي وبطولة الخليج .
العميد خرج من بطولة الخليج دون تقديم مستوى يذكر لكن عندما حصلت المشكلة بين يعقوب الطاهر وعقلة وتم استبعاد عقله وايقاف الطاهر كم مباراة ,عند ابعاد عقلة شوفوا شلون تغير الفريق وماذا قدم من مستوى وشوفوا لما رجع عقله ماذا حصل , انا مو ضد عقلة لا والله انا احبه والله يعلم لكن انا اتكلم عن التصرفات اللي يسويها , والتصريحات الكثيرة اللي قتلت الفريق.
موعيب لما يتم تغير الجهاز الاداري شنو المشكلة لما يكون التغيير بمصلحة اسم نادي الكويت , هل ستقوم الدنيا يا جماعة الخير الرجال ذاهبون واسم نادي الكويت هو الباقي .
بوعلي ماقصر ورفع العميد لافضل مستوى وايضا ماقصر بدفع المال من اجل العميد لكن يابوعلي المشكلة اللي عندك هي بعدم باختيار مدرب قدير ,والله اللاعبين ما عليهم خلاف لكن مافي من يوظفهم صح ,نجد المدرب المظلوم بانيد الموسم الماضي انتشل العميد بالدوري من القاع حتى اصبح بالصدارة ولكن ما كان مكتوب لنا الدوري وجاب لنا كاس الامير اللي غاب عنا سنوات وتم ابعاده.
ارثر بهذا الموسم ايضا انتشل العميد من القاع واصبح الفريق منفرد بصدارة الدوري ومن اجل خسارة مباراة وحده من تقريبا 20 مباراة تمت اقالته وصار مايعرف يوظف اللاعبين وتمرينه قديم حسب ماصرح به عقله بالتلفزيون وكان لي موضوع بالمنتدى عن كلام عقله وتم اسناد المهمه للمدرب المسكين واللي اعتبره فدائي بكل صراحه وهو محمد عبدالله اللي الان يتحمل كل شيء , لنجد العميد مايفوز الا بالبلنتيات :
مع العربي بكاس ولي العهد فاز العميد بالبلنتيات.
العميد يخسر بكاس الاتحاد الاسيوي بالبلنتيات.
العميد يفوز بقبل نهائب الامير بالبلنتيات على كاظمة.
العميد يخسر من القادسية بكاس الامير بلبلنتيات.
انا بعرف يا ادارة انتوا حاطين مدرب مختص بضربات الجزاء بس.
شيء مؤكد بان اللاعبين سيواجهون صعوبه بالمباريات من تشتيت ذهن لعدم الاستقرار على مدرب او تشكيلة او خطة اللعب , ومهما كان مستوى هذا اللاعب سوف يضيع بالملعب .
لما استلم بانيد العميد كان قبلها القادسية فايز علينا وبعهد بانيد فزنا على القادسية بالدوري وكاس الامير.
لما استلم ارثر العميد كان القادسية فايز علينا وبعهد ارثر فزنا مره وخسرنا مره وبالخسارة ما افتكر ارثر يتحملها اللي يتحملها من تدخل بالتشكيلة.
ولنجد من يستلم محمد عبدالله العميد اول خسارة بكاس السوبر وقوامها 4 وايضاخسرنا كاس الامير من القادسية بعهد محمد عبدالله بضربات الجزاء ولولا الله والفضلي وغياب المطوع لكانت النتيجه ايضا ثقيلة .
اخواني واخواتي الكرام هذا هو الواقع ولا نقص على انفسنا المشكلة ليست باللاعبين نهائيا المشكلة بالمدرب وسوء التخطيط من قبل الادارة .
وهذا هو الواقع المرير
ويعطيكم العافيه جميعا
avatar
ViVA kuwait
المشرف
المشرف

تاريخ التسجيل : 19/05/2010
العمر : 29

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى